O sábado 28 de xuño foi a cerimonia das Medallas Castelao que outorga a Xunta de Galicia a aqueles que contribúen coa súa obra meritoria a Galicia. E cheos de emoción e orgullo recibimos unha das medallas Castelao, consideradas insignias do galeguismo.

Estamos profundamente honrados por tan alta distinción, e queremos compartila cheos de ledicia con todos vós, gaiteiros e amantes de Galicia e da música tradicional.

A familia Seivane interpretamos algunhas pezas, onde o noso pequeno gaiteiro Brais Seivane foi o gran protagonista atrevéndose con varios sós. Foi un momento inesquecible.