A Federación de Entidades Culturais Galegas de Catalunya organizou, o pasado 7 de agosto de 2008, unha homenaxe a Xosé Manuel Seivane no que lle foi entregado un diploma en recoñecemento da súa traxectoria en prol da música tradicional galega e da súa labor á fronte do Obradoiro de Gaitas Seivane.

Xosé Manuel foi recibido no concello polo Alcalde de Ribadeo, D. Fernando Suárez Barcia, e por autoridades de Presidencia e Vicepresidencia da Xunta de Galicia, e da Deputación de Lugo. Tamén polo presidente da Federación organizadora, D. Luís Lamas Álvarez, e unha nutrida representación das entidades asociadas. Logo da recepción, os asistentes visitaron o monumento ao gaiteiro e celebraron unha comida de irmandade.